O club de lectura “Ratiños literarios” despediuse por este curso coa novela “Golpes de luz” de Ledicia Costas.
Divertida, rápida, intrigante, así resumimos esta historia dura pero con toques de humor, que describe moitos aspectos da nosa sociedade.
Grazas Marta, Vanesa, Montse, Judith, Mariví, Mariana, Luz, Olivia, por compartir un anaquiño de vida na biblio de Lunares.
Voltamos en setembro!
Os clubs de lectura Lunares en acción, seguen a súa andaina, desta vez cunhas invitadas moi especiais: as familias!
Lemos a obra de Iria Misa, “Mamá, quero ser Ziggy Stardust”. Unha novela sobre a importancia de ser quen ti queiras ser.
As familias acompañáronnos na lectura e na tertulia do libro ao ritmo da música de David Bowie.
Foi unha experiencia moi emotiva.
Hoxe tivemos no cole a Hadriana Ordóñez Otero para facer un obradoiro sobre sexualidade.
Familias e rapazada de 3º, 4º, 5º e 6º de primaria tiveron oportunidade de aprender e compartir inquedanzas.
Onte foi un día moi especial para toda a comunidade educativa do Ramiro Sabell.
O alumnado converteu o centro nun museo con creacións propias a partir da obra de Picasso.
Este foi o resumo de todo o proxecto deste curso e o remate dun traballo en aulas ao redor da obra do pintor, vinculado ás distintas áreas.
Grazas familias por vir e desfrutalo con nós. Aquí vos deixamos un pequeno anaquiño do que alí vivimos.
Lunares lémbranos no podcast que o vindeiro 19 de maio inauguramos a nosa exposición. Non vola perdades!!
Hoxe Lunares agasallou ao alumnado participante nos retos do Día do libro.
Noraboa a todxs e grazas por participar de maneira tan creativa!
Desta vez foi o alumnado de 4º quen se encargou de resumir as novas do cole. Que traballazo fixeron! Non volo perdades.
Familias, estades convidadas á exposición “Este Picasso é un caso” que organizou e creou toda a rapazada do cole.
Terá lugar o vindeiro venres 19 de maio.
Tedes aquí os horarios correspondentes a cada curso. A hora marcada comezará a visita guiada. Comprobade a que hora tedes que vir en función do curso da vosa filla ou fillo. Por favor sede puntuais.
HORARIOS:
Infantil 09.45h
1º e 2º de primaria 11h
3º e 4º 11.45h
5º 12.45h
6º 13.30h
Hoxe a rapazada dos clubs de lectura recibiu unha visita moi esperada. Tivemos un encontro coa autora da obra de teatro Dormente, que estivemos lendo no club durante o mes de abril.
Lédea que merece moito a pena.