Alfombras con Lunares

Hoxe Lunares saiu ás rúas de Ponteareas en forma de alfombra de flores. A ANPA estivo semanas traballando nesta obra de arte enmarcada dentro do PDI de contos deste curso: Colorín, colorado, Lunares ten un conto preparado. 

Lunares en acción vaise de vacacións

Este mércores rematamos a tempada de lectura en Lunares en acción con moita emoción e sorpresas. 

Pechamos un camiño grande cheo de historias compartidas. Grazas compis por facer do noso recuncho da biblio un lugar tan bonito.

Grazas Javi por ilustrar do mellor xeito posible a maxia do club. 

Acompañamentos lectores

Hoxe,celebramos no cole o día do libro,si sabémolo, imos con retraso pero Galicia e a climatoloxia complicouno.

O importante foi compartir ese ratiño, dos nosos tradicionais acompañamentos lectores,onde os maiores len aos máis pequen@s.

O voluntariado da biblio encargouse de organizalo todo e foi un éxito.

Longa vida aos libros!

https://www.instagram.com/reel/DYz9-FmAxi-/?igsh=MWNneG5zcHpmYmJidw==

Ratiños despídese

Este martes despedimos unha nova tempada do club de lectura de familias Ratiños literarios.

E como non podiamos rematar doutro xeito, limos e comentamos o novela coral de Delphine de Vigan Las lealtades, que nos plantexa unha realidade quizáis non tan alonxada.

Pero foi unha xuntanza moi especial, sorpresa incluída, rodeada de natureza e persoas marabillosas que fixeron desa despedida un momento único.

Grazas familias por estar e desfrutar todas as lecturas!! Que haxa máis e sigades lendo!! 

Contacontos de voluntariado

Este martes foi un día diferente para o voluntariado da biblio. Despois de moitos meses de traballo, puxeron rumbo ao CRA Raíña de Aragonta de Salceda de Caselas e á residencia de maiores Santa Ana de Ponteareas cos seus contos. 

Un grupo interpretou “A cebra camila” e outro “Un tigre vino a cenar”. Que ben o pasaron! 

ACOMPAÑAMENTO LECTOR INTERXERACIONAL

O pasado venres o alumnado do club de lectura Álbums encantados gozaron do seu día especial. Con ilusión e moitas ganas visitaron o centro de día Galeón na vila para ler os diferentes álbums que coñeceramos ao longo do curso.

Foi unha mañá chea de sorrisos, agarimo e maxia ao redor de ilustracións e historias.

Roteiro por Santiago

 Este martes o alumnado do club de lectura Lunares en acción e o voluntariado da biblio compartiron viaxe a Santiago. Visitaron a Cidade da Cultura e fixeron un roteiro polo casco vello de Santiago. 

Foi un gran día de convivencia! 

Soñando libros

 Este luns a Rede Bibliotea celebrou a súa quedada anual dun xeito ben especial, na semana do libro.

No parque da Concordia de Ponteareas o alumnado dos diferentes clubs de lectura da contorna organizamos diferentes obradoiros ao redor do libro.

Nesta festa dos libros convivimos, falamos, divertímonos e gozamos das diferentes propostas.

Foi unha mañá chea de ilusión que de seguro repetiremos.

Obradoiro de contacontos

 O luns 4 de maio teremos no cole a Uxía Morán para ensinarlle ás nosas familias a contar contos!

Bulide a apuntarvos!! 

Sin noticias de Gurb

 Hoxe Lunares estivo acompañado das familias do club Ratiños literarios. Este mes estivemos lendo Sin noticias de Gurb de Eduardo Mendoza. E como “a risa é a ponte máis curta entre dúas persoas”, hoxe estivemos atopando a Gurb entre gargallada e gargallada.

Encontro con Anxo Iglesias

 Hoxe Lunares en acción tivo unha visita moi especial. O autor de Tacón punta tacón: Anxo Iglesias, para conmemorar o mes da poesía.

Recitamos, poetizamos pero sobre todo rimos e desfrutamos a poesía. Porque como dixo el a poesía ensínanos a mirar o mundo doutra maneira. E… tamén falamos de que “en galego estamos no mundo”. 

Grazas Anxo por amosarnos a cara divertida da poesía.

Álbums encantados xúntanse de novo!

Este venres o alumnado de 1º da ESO do IES O Barral viñeron facernos unha visita para seguir coñecendo diferentes álbums ilustrados. 

Puidemos conversar, rir e desfrutar a partes iguais!

Seguiremos lendo!

Enquisas!!

 Ola alumnado do Ramiro Sabell

Esta publicación é para vos.

Aquí tedes 3 enlaces diferentes nos que clickar e ir contestando, de maneira anónima, as preguntas que veredes.

Axudaredes a Lunares cunha tarefa moi importante.

Tedes ata o 20 de marzo.

Graciñas

ENQUISA LECTURA

https://docs.google.com/forms/d/e/1FAIpQLSfrv2EDPuJR0brY6fIbkoJYsrU9wta0gc2YYFIZYOn57bGU3w/viewform?usp=header

ENQUISA ALFIN(acceso á información)

https://docs.google.com/forms/d/e/1FAIpQLSfXCRJ_Oq4qTLyrHFWZ4JDYxyFfS9b0a-0KNQPa_gMqI2W0Tw/viewform?usp=header

ENQUISA ESCRITURA

https://docs.google.com/forms/d/e/1FAIpQLSefONj617pKwSleSLHe5BbED5WXGpiLSVPIbSQAQGhtYnPu7A/viewform?usp=header

Comerás flores de Lucía Solla Sobral

 Este martes foi especial porque tivemos unha xuntanza do club de familias Ratiños literarios e de mestras Fiúnchos literarios. Este mes estivemos lendo a marabillosa novela Comerás flores que amosa unha realidade máis común do que nos gustaría. Falamos e falamos sobre todas esas Marinas do mundo.

“Le dije que si, ya vería luego como lo vomitaba”.

Álbums encantados reúnese de novo!

 Esta semana o club de lectura Álbums encantados reuniuse para seguir coñecendo novos álbums e historias. 

Lunares segue lendo

Este mes o alumnado de Lunares en acción segue descubrindo lecturas. Desta vez cada grupo leu unha diferente: Plan de rescate de Antía Yáñez e Charlie y la fábrica de chocolate de Roald Dahl. Como as desfrutamos!!

TEA ROOMS de Luisa Carnés

Este mes o club de lectura de familias estivemos lendo un clásico olvidado dunha escritora moi relevante da xeración do 27, Luisa Carnés.

Novela social que reflexa fielmente a vida no Madrid dos anos 30 dende a voz das mulleres que o viviron.

Un pracer descubrir novas voces que durante anos estiveron silenciadas.

V Xornadas O camiño da muller na ciencia

Esta semana na biblio de Lunares conmemoramos as V Xornadas O camiño da muller na ciencia con motivo do 11F Día da muller e a nena na ciencia.

Marta, Andrea F., Merce, Araceli, Carmen, Susana, Andrea H., Silvia e Paula amosáronnos o mundo da ciencia dende preto, coma se dunha mostra nun microscopio se tratase. Grazas!!

Porque... xa dicía Rosalind Franklin que “a ciencia é todo o que nos rodea” así que só debemos aprender a mirala.

Encontro con Pedro Feijoo

Este mes as familias de Ratiños literarios estiveron el do Memoria da choiva de Pedro Feijoo. 

Este martes tivemos a gran sorte de compartir tempo (ese valioso agasallo) con Pedro para comentar, hipotetizar e desgranar a historia de Rosalía, esa gran “descoñecida”. Entre gominolas e risas fixemos comunidade a través dos seus libros porque “non só é verídico, senón que é verdade” que a lectura se desfruta máis cando se comparte.

Grazas Pedro pola túa cercanía e grazas familias por deixarvos levar a través dos libros.

Álbums compartidos

 Este venres tivemos unha nova xuntanza do club de lectura Álbums encantados chea de imaxes, maxia, emocións e e palabras. 

Que mellor xeito de conmemorar o Día da ilustración que desfrutando delas! 

Grazas compis de @bibliobarral, vémonos na seguinte!

Invisible en familia

Está semana as xuntanzas de Lunares en acción tiveron moita emoción. Invitamos ás familias a ler e comentar con nós a novela Invisible de Eloy Moreno. 

Foron momentos compartidos cheos de ilusión e dun obxectivo común que é acabar co bullying. 

Grazas familias por estar sempre!