Esta semana na biblio de Lunares conmemoramos as V Xornadas O camiño da muller na ciencia con motivo do 11F Día da muller e a nena na ciencia.
Marta, Andrea F., Merce, Araceli, Carmen, Susana, Andrea H., Silvia e Paula amosáronnos o mundo da ciencia dende preto, coma se dunha mostra nun microscopio se tratase. Grazas!!
Porque... xa dicía Rosalind Franklin que “a ciencia é todo o que nos rodea” así que só debemos aprender a mirala.
Este mes as familias de Ratiños literarios estiveron el do Memoria da choiva de Pedro Feijoo.
Este martes tivemos a gran sorte de compartir tempo (ese valioso agasallo) con Pedro para comentar, hipotetizar e desgranar a historia de Rosalía, esa gran “descoñecida”. Entre gominolas e risas fixemos comunidade a través dos seus libros porque “non só é verídico, senón que é verdade” que a lectura se desfruta máis cando se comparte.
Grazas Pedro pola túa cercanía e grazas familias por deixarvos levar a través dos libros.
Este venres tivemos unha nova xuntanza do club de lectura Álbums encantados chea de imaxes, maxia, emocións e e palabras.
Que mellor xeito de conmemorar o Día da ilustración que desfrutando delas!
Grazas compis de @bibliobarral, vémonos na seguinte!
Está semana as xuntanzas de Lunares en acción tiveron moita emoción. Invitamos ás familias a ler e comentar con nós a novela Invisible de Eloy Moreno.
Foron momentos compartidos cheos de ilusión e dun obxectivo común que é acabar co bullying.
Grazas familias por estar sempre!
Este mes de decembro, dentro da conmemoración do 3 de decembro, en Lunares en acción estiveron lendo a novela gráfica autobiográfica Supersorda.
Encantounos e puidemos descubrir un mundo novo da man de Cecè.
Desta vez o club de lectura Ratiños literarios mergullouse nunha novela gráfica: La espera de Keum Suk Gendry.
Quedamos prendadas das súas ilustracións que por veces facían das palabras algo secundario.
Esta semana a biblio encheuse de contacontos a cargo de diferentes protagonistas! Foi unha semana distinta con moitas historias que fixeron as nosas mañás máis levadeiras e divertidas!
