Frankenstein

 No mes de marzo, en relación co día da muller, nos clubs de lectura estivemos lendo o clásico Frankenstein de Mary Shelly, unha pioneira no seu tempo.

Encantounos! 

Recital de poemas

O alumnado dos clubs de lectura e do programa de voluntariado, participaron nun recitado de poemas que viaxou polas aulas de primaria. 

Ana de las Tejas verdes nos Ratiños literarios

O club de lectura de mamás Ratiños literarios estivo lendo Ana de las Tejas verdes. A entrañable historia dunha nena moi moi especial. 

Agardando xa a seguinte lectura! 

Querida poeta: dous puntos

Para conmemorar o Día da poesía, o alumnado de 5º de primaria asistiu a un obradoiro de poesía e arte postal pola igualdade, impartido pola poeta galega María Lado.

Foi unha experiencia moi enriquecedora. 

O camiño violeta da igualdade

Despois de desfrutar do manifesto pola igualdade de nenas do cole do pasado mércores, onte conmemoramos de xeito especial o 8M. O alumnado interpretou a canción Matriarcas de Gudi Galega en LSE e construiu un camiño violeta con mensaxes coeducativos que debemos ter sempre presentes! 

Aquí vos deixamos un video co resumo. 

Abrazar as palabras con Charo Pita

 

Onte estivo na biblio de Lunares a narradora e escritora Charo Pita. Convidamos ás familias a un contacontos no que bailamos, cantamos e como dixo Charo, xogamos! 

Pasamos un ratiño en familia xenial! 

Aquí vos deixamos mostra en video do que foi.

8M-DÍA INTERNACIONAL DA MULLER TRABALLADORA

Hoxe 8 de marzo Greta, Hossana, Paula, Carla, Mara e Daria leron un manifesto diante do resto de alumnado e profesorado para conmemorar o Día internacional da muller.

Foi un momento moi emotivo no que reinvindicamos a igualdade real.

Nova lectura en Fiúnchos literarios

Onte o club de lectura de mestras tivemos nova xuntanza, ao redor dunhas ricas empanadas. 

Desta vez comentamos La trenza de Laetitia Colombani , unha historia de mulleres a tres, onde se cruzan diferentes culturas e países pero unha soa mensaxe. 

Novo episodio de Lunares fala

O pasado venres o alumnado de 3º encargouse de crear o novo episodio do noso podcast. Menudo traballazo fixeron!! 

Aquí volo deixamos para que o escoitedes e comentedes! 

Contacontos con Sabela Gago

Hoxe Lunares encheuse de contos da man da marabillosa Sabela Gago. Dende infantil ata primaria desfrutaron e viaxaron con Martín, unhas galiñas ben fermosas e tres irmáns moi especiais. 

Foi unha maña chea de creatividade e maxia. 

Abrazar as palabras con Charo Pita

 Non vos perdades o vindeiro martes 14 de marzo a Charo Pita na biblio de Lunares. Fará unha contada para familias e alumnado de infantil e 1º a 4º de primaria. Agardámosvos! 

Cerebro e pantallas

Onte tivemos o luxo de contar con María Couso na biblio de Lunares. Experta en neuroeducación, falou coas familias sobre o impacto do uso de pantallas no cerebro durante a infancia. 

Grazas familias por achegarvos e compartir ganas de sementar pequenos cambios nas vosas crianzas.