Obradoiro de narración oral

Onte e hoxe tivemos a gran sorte de ter na biblio de lunares a Soledad Felloza para gozar dun obradoiro de narración oral. O alumnado de 4º e 5º aprendeu técnicas de voz e de expresión oral para mellorar os nosos podcast. Canto aprendimos!!

@BiblioLunares

Carteis de cinema

 O equipo de dinamización da lingua galega propuxo a elaboración de carteis de cinema con frases tipicamente galegas e velaquí as tedes! Creatividade e humor ao poder!! 

@BiblioLunares

23 DE ABRIL DÍA DO LIBRO

Onte conmemoramos o Día do Libro cos xa tradicionais acompañamentos lectores no patio. Foi unha xornada soleada chea de historias marabillosas contadas pola nosa cativada. 

Seguide lendo e desfrutando da maxia dos libros! 

@BiblioLunares

Encontro co autor

Onte foi un día especial para Lunares en acción. Anxo Iglesias veu a presentar o seu libro de poemas “Unha nova dimensión”. Lémolo no club e onte por fin coñecimos ao seu autor. 

Foi un encontro marabilloso, cheo de risas, poemas e incluso rap! 

@BiblioLunares

Soy su silencio

En marzo o club de lectura Fiúnchos literarios aproveitando a conmemoración do Día do cómic (17 de marzo), lemos “Soy su silencio” de Jordi Lafrebe.

Unha banda deseñada orixinal que nos deixou prendadas coas súas personaxes e as súas ilustracións. Un gusto navegar por viñetas cheas de intriga para chegar a un final canto menos sorprendente.

@BiblioLunares

Albumeando

O club de lectura álbums encantados segue compartindo lecturas e gozando das marabillosas ilustracións!

@BiblioLunares

Contacontos en familia

Onte 2 de abril tivemos na biblio un contacontos en familia, por mor da conmemoración do Día do libro infantil e xuvenil.

Unha veintena de familias gozaron de Uxía Morán e as catro historias que compartiu: Chuvisca, Unha chea de lobos, Facer dedo e Leotolda.

Houbo risas a esgalla e diversión asegurada! 

@BiblioLunares

Las vencedoras

Hoxe reuniuse o club de lectura Ratiños literarios para comentar “Las vencedoras” de Laetitia Colombani.

Novela positiva e que deixa “un bo sabor de boca” sobre a sororidade e o poder da empatía.

Recomendadísimo!

@BiblioLunares

Contacontos con Lunares

Nos recreos diferentes equipos de contacontos de voluntariado anda argallando contadas interesantes das que nos irán informando!

Estade atentxs!

@BiblioLunares

Poesía nos clubs

Os clubs de lectura Lunares en acción están lendo estas semanas poesía para conmemorar o Día internacional da poesía.

@BiblioLunares 

Libros voadores

Lunares está feliz porque temos novo club de lectura especialista en contos. O alumnado de 4º xuntouse para elixir bos álbums ilustrados, analizando cubertas, gardas, historias, personaxes etc. para poder ir a contalos a diferentes aulas. 

Xa vos iremos informando!!

@BiblioLunares

Lunares fala!!

Deixámosvos o novo podcast de Lunares Fala no que damos boa conta de todo o que fixemos na última tempada! Non volo perdades!! 

Visita de cine

O alumnado de infantil, 1º e 2º de primaria foron o venres aos cines en Vigo. Menuda experiencia viviron coa peli Patrick e aproveitando uns cómodos puffs. 

Collendo ideas para o que estamos tramando…

@BiblioLunares

Contacontos en familia

 Para comezar abril, o mes dos libros, o martes 2 teremos na biblio de Lunares a Uxía Morán que fará unha contada de álbums moi divertidos para que veñades en familia!

Animádevos!!

Lunares en acción no 8M

 Hoxe 8M reuniuse todo o alumnado de club de lectura para falar da novela gráfica Supersorda da autora Cecè Bell.

Comentamos e valoramos esta incrible banda deseñada autobiográfica que nos ensina sobre o respeto ás diferenzas e a loita por un mundo en equidade.

Seguimos lendo!! 

@BiblioLunares

Albums encantados

 O alumnado do club de lectura Álbums encantados fixeron o primeiro intercambio de exemplares coas previas recomendacións. Falamos das ilustracións, das historias tan marabillosas (incluso sen palabras) que contan e do que cambiaríamos ou non. 

Xornada marabillosa que repetiremos en breve!

Grazas Ies O Barral pola acollida! 

@BiblioLunares

23F Día de Rosalía

A semana do 23F, e como se dunha peli se tratase, conmemoramos o Día de Rosalía elaborando poemas a partir do seu sonado “Adiós ríos, adiós fontes”. A temática tiña que ser unha problemática actual de Galicia, así que nos puxemos reinvindicativos e entonamos a Rosalía coma se en Hollywood estiveramos.

#Equipodedinamizacióndalinguagalega

https://lunaresfalagalego.blogspot.com/2024/02/dia-de-rosalia-de-castro.html?m=1

@BiblioLunares

El lunes nos querrán

 Este martes as familias do club de lectura Ratiños literarios xuntouse para comentar a novela autobiográfica de Najat El Hachmi “El lunes nos querrán”.

Narra a súa historia persoal de búsqueda de liberdade e loita contra o mundo de opresión no que medrou. 

Animádevos a lela! A nós deunos para falar e falar! 

@BiblioLunares

Síbaris de Domingo Villar

Este martes xuntouse de volta o club de lectura de mestras para falar de Síbaris, obra teatral póstuma de Domingo Villar.

Recomendada 100% ...non te deixará indiferente...

E teremos a sorte de vela representada en xuño no Teatro Principal de Ourense.

Xa estamos preparadas para a seguinte lectura! 

@BiblioLunares

11F- Día da nena e a muller na ciencia

Con motivo da conmemoración do 11 de febreiro, Día da nena e a muller na ciencia, tiveron lugar as III Xornadas O camiño da muller na ciencia.

Desta vez contamos con científicas que fixeron interesantísimos experimentos, descubrimos o seu traballo diario no laboratorio e incluso oñecimos de preto o traballo de campo co marisqueo.

Un auténtico luxo de novo, coñecer de preto o traballo de mulleres galegas na ciencia.

@BiblioLunares

Entroido de cinema

Este venres por fin gozamos do desfile entroideiro con diferentes comparsas de cinema: Inside Out, superheroes e superheroínas, Madagascar, Piratas del Caribe, Los increíbles, 101 Dálmatas, Toy Story, Klaus e Mary Poppins. Todo acompañado das nosas palomiteras e dos protagonistas da peli de Grease.

Familias e alumnado bailamos e trouleamos xuntos! 

ALU-cinema de Entroido! 

@BiblioLunares

Momo de Michael Ende

Lunares en acción estivo a ler neste día entroideiro o clásico de Michael Ende “Momo”. 

Tal e como ela di: “O tempo é vida e a vida reside no corazón”.

Seguimos lendo!

@BiblioLunares

Estrelas da paz

Para conmemorar o día da Paz, creamos o noso propio paseo da fama con estrelas pola paz. Cada aula escolleu unha frase dunha película e unha B.S.O. que sonou mentres colocaban as estrelas. 

Convertímonos en estrelas por un día! 

@BiblioLunares

Día da educación no cine

A semana pasada estivemos a traballar sobre o Día da educación a través de diferentes filmes. Con todo o traballado cada nivel elaborou un cartel que expuxemos nun dos corredores.

#Este curso é de ALU-cinema

No blogue do equipo de dinamización da lingua galega podedes seguir máis propostas:

httpsq://lunaresfalagalego.blogspot.com/?m=1

@BiblioLunares

Rewind de Xoan Tallón

Este martes xuntouse de novo o club de lecturas de familias Ratiños literarios. Desta vez comentamos Rewind de Xoan Tallón, novela na que nos conta unha mesma historia dende diferentes puntos de vista. 

Seguimos lendo! 

@BiblioLunares

A Señorita Bubble

Esta lectura de Lunares en acción foi moi especial: La señorita Bubble de Ledicia Costas.

 

Compartímola co alumnado dos clubs de lectura do IES Val do Tea e o CEIP Fermín Bouza Brey.

Xuntámonos para unha cominola lectora e para ver a peli na que se inspirou Ledicia Costas para escribir a novela: Mss. Peregrine y el hogar de los niños peculiares. Un filme cheo de nenxs peculiares tal como describe tamén no libro Ledicia. 

Un día cheo de emocións!! 

@BiblioLunares

La madre de Frankenstein

Lunares volta de Nadal con moitas lecturas.

O primeiro en comezar foi o club de lectura Fiúnchos literarios coa novela de Almudena Grandes, La madre de Frankenstein.

@Bibliolunares