Lunares en acción le El principito

 Este ano a primeira proposta para o club de lectura de 5º e 6º Lunares en acción, foi El principito. Un clásico de 1943 do escritor francés Antoine de Saint Exupèry ao que nos achegamos con curiosidade e emoción. 

@BiblioLunares

Soños para levar ten premios!

Hoxe estamos de noraboa porque a maiores do 2º premio que xa recollimos no OlloBoi en xuño; este mércores recibimos o PREMIO A MELLOR GUION no XV OUrenseFilmFestival OUFF Escola coa nosa curtametraxe “Soños para levar”.

Estamos moi orgullosos e orgullosas do noso traballo en equipo! 

#SoñosParaLevar

@BiblioLunares

Álbums encantados

O club de lectura entre alumnado de 4º de primaria da biblio de Lunares e alumnado de 1º da ESO da biblio do IES O Barral tivo a súa primeira xuntanza este venres.  Coñecímonos e compartimos as primeiras inquedanzas e dúbidas sobre o álbum ilustrado. 

Respirábase emoción e gañas de descubrir novas historias. 

Agora que xa temos lecturas asignadas toca ler e agardar a próxima xuntanza para compartilas.

@BiblioLunares

@BiblioBarral

Fiúnchos literarios

Onte volvéronse xuntar as mestras do club de lectura Fiúnchos literarios para comentar a súa nova lectura “Nuestra casa en el árbol” da madrileña Lea Vélez.

Unha novela moi inspiradora sobre o poder da infancia e o papel que temos as persoas adultas para espertar as súas inquedanzas.

Seguiremos lendo! 

@BiblioLunares

Obradoiro de álbum ilustrado

 Onte tivemos na biblio de Lunares a Montse Pena para falar de álbum ilustrado co alumnado de 4º de primaria e 1º-2º da ESO e as súas familias.

Foi un encontro marabilloso cheo de cor e historias fascinantes. O club de lectura álbums encantados foise con moitas ideas e recomendacións.

@BiblioLunares

Ratiños literarios está de volta!

Hoxe tivemos a primeira xuntanza do club de lectura Ratiños literarios, o club de lectura de familias. Demos un montón de recomendacións lectoras e preparámonos para a primeira proposta deste ano “Alguien bajo los párpados”. 

Seguiremos contándovos! 

@BiblioLunares

Álbums encantados, comezamos!!

Este luns demos inicio a “Álbums encantados”; o club de lectura de álbum ilustrado que facemos co IES O Barral. 

E xa temos a primeira sorpresa!! 

O vindeiro xoves 7 de novembro teremos un obradoiro de álbum ilustrado a cargo de Montse Pena, que compartiremos tamén coas familias do alumnado do club de lectura. 

Non volo perdades!! 

@BiblioLunares

I Encontros de clubs de lectura de Ponteareas

 Por mor da inauguración dos clubs de lectura deste curso, este venres 25 de outubro xuntámonos todos os clubs de Ponteareas no auditorio. No encontro contamos con Susana Lamela e Juan Abalde que nos motivaron a seguir lendo e escribindo. 

Mariña e Mateo explicaron o funcionamento do noso club de lectura Lunares en acción e compartimos moitas lecturas. 

Retomando as palabras de Manolo Rivas que recolleu  a nosa compañeira Esme: “A propia condición do club de lectura e da biblioteca é a biodiversidade, son unha unidade de emoción onde todo suma e nada exclúe”. 

Así que longa vida aos libros, ás bibliotecas e aos clubs de lectura que nelas medran. 

@BiblioLunares

INAUGURACIÓN DA NOVA BIBLIOTECA DE LUNARES!

Este xoves 24 de outubro foi moi especial para Lunares. Escollemos o Día das bibliotecas para inaugurar o novo espazo da biblioteca. Despois de case un ano de melloras, aquí está xa preparada para que a desfrutedes cun montón de novas lecturas e recantos diferentes.

Animamos a festa de apertura con contos musicados por alumnado de 4º e 5º de primaria; e visitas moi especiais, que acompañamos duns petiscos ben ricos.

Aquí tedes unha pequena mostra do que foi!

@BiblioLunares

Xuntanza de clubs!!

 

Volta Lunares en acción!

O club de lectura de alumnado de 5º e 6º iniciou andaina este luns! Comezamos coa lectura dun clásico, que de seguro nos abraiará;  e cun montón de sorpresas! 

Estade atentxs!! 

@BiblioLunares

INAUGURACIÓN DA NOVA BIBLIOTECA DE LUNARES

 

Voltamos familias!!

 

Volve Fiúnchos literarios

Onte iniciou a nova andaina de Fiúnchos literarios, o club de lectura de mestras, coa nova obra de Ledicia Costas “Pel de cordeiro”. 

Ledicia agasállanos desta vez cunha obra chea de meigas con dúas protagonistas femininas en dúas Galicias temporais.

Seguiremos lendo! 

@BiblioLunares

Ranking de lecturas

O club de lectura Lunares en acción déixavos aquí o ranking das lecturas que máis gustaron este ano! 

Animádevos a descubrir novas historias e personaxes! 

@BiblioLunares

Amanda Black

 Remataron as lecturas de Lunares en acción coa novela de misterio e intriga Amanda Black: una herencia peligrosa. 

Lectura que fascinou e que nos deixou un fantástico sabor de boca para agardar por novas aventuras en setembro! 

@BiblioLunares

Contacontos interxeracionais

 Hoxe foi un día especial para o voluntariado da biblioteca de Lunares. 

Por equipos prepararon contacontos que levaron á Escola Infantil de As Neves e ao centro de día Santa Ana en Ponteareas.

Menuda experiencia chea de ilusión e emoción a partes iguais! 

@BiblioLunares

Los misterios de la taberna Kamokawa

Hoxe foi o peche do club de lectura “Ratiños literarios”, e que mellor xeito que cun libro gastronómico e un doce para acompañar.

Los misterios de la taberna Kamokawa é unha novela coral sobre a importancia da comida na nosa memoria e na nosa vida; todo iso nunha Tokio misteriosa. 

Grazas familias por acompañarnos estes meses.

Seguide lendo que en setembro teremos máis! 

@BiblioLunares

FESTIVAL ALU-CINEMA

Onte foi unha tarde moi especial no Ramiro Sabell. Toda a comunidade educativa gozamos da proxección da nosa curtametraxe "Soños para levar. Unha Historia chea de historias" na que estivemos a traballar todo o curso. Alumnado, familias e proofesorado compartimos sorrisos, emoción e moito cinema nun festival de ALU-cine!

Grazas familias por compartir con nós estes momentos! 

Aquí tedes unha mostra do que foi e a nosa curta para que a poidades volver ver e saborear.

@BiblioLunares

Alfombras de ALU-cinema

Hoxe gozamos na nosa vila das alfombras de flores para O Corpus feitas por alumnado do cole en colaboración coa ANPA. As alfombras fixeron referencia ao noso PDI Alu-Cinema.

Lo

Que gran traballo!! 

@BiblioLunares

Encontro con Paula Carballeira

 Hoxe tivemos unha visita moi especial no club de lectura Lunares en acción.

Estivo con nós Paula Carballeira para falarmos da súa obra de teatro Carabela.

Escoitamos, xogamos, rimos, preguntamos e… pasamos un pouquiño de medo..

Foi un pracer compartir conversa con ela e tañ e como dixo: “O teatro está para que as historias cobren vida”.

@BiblioLunares

Acompañamento de Álbums encantados

 Onte foi un día moi especial para o club de lectura Álbums encantados. Algunhas persoas de 4º de primaria e outras de 1º da ESO do IES o Barral fixeron unha visita ao Centro de día Galeón na que compartimos lecturas, risas e momentos. 

Foi o fin dun camiño iniciado en outubro no que nos somerximos no mundo do álbum ilustrado, coñecendo formato, historias e conversando arredor de imaxes. 

Foi un luxo que continuaremos o vindeiro curso! 

@BiblioLunares

Carabela de Paula Carballeira

 O club de lectura Lunares en acción estivo lendo desta vez a obra de teatro Carabela, de Paula Carballeira.

Unha historia chea de fantasía pero cunha mensaxe ben pegada á realidade! 

Recomendámosvolo! 

@BiblioLunares

Roteiro literario

O club de lectura Lunares en acción, acompañado do voluntariado da biblio, fixeron un roteiro literario por Redondela e o castelo de Soutomaior. Alí coñeceron a súa historia e a vida de María Vinyals. 

Foi un encontro marabilloso cheo de momentos e conversas que compartir. 

@BiblioLunares

Obradoiro de banda deseñada

Esta tarde a rapazada do cole tivo o luxo de compartir un obradoiro en familia no que descubriron o fascinante mundo da ilustración grazas a Norberto Fernández.

@BiblioLunares

Día das letras galegas

Da man do equipo de dinamización da lingua galega hoxe fomos ao auditorio de Ponteareas a desfrutar un espectáculo sobre Luísa Villalta, a homenaxeada este ano nas Letras Galegas.

Cantamos e bailamos sen parar! 

@BiblioLunares

A culpa de María Solar

Esta semana o club de lectura Ratiños literarios xuntouse para comentar A culpa, un thriller que nos mantivo pegadas á historia ata as últimas páxinas. 

Non deixedes de lelo, recomendadísmo!! 

Seguimos lendo! 

@BiblioLunares